Home / Ad verbum / Почивај во мир, маестро!

Почивај во мир, маестро!

Иако последните шест месеци по тешката сообраќајка ги помина во болнички кревет, во длабока кома, тажната вест за единствениот Зоран Маџиров денеска ја шокираше македонската јавност.

Зоран Маџиров (14 јануари 1968 – 09 мај 2017) е македонски музичар роден во Струмица.

zoran-madzirovO

Зоран Маџиров пораснал во музичкото семејство и првото знаење за џез-тапаните ги добил од својот татко. Потоа започал да учи пијано, труби и удиралки. Заминува за Германија, каде што студиите по музика ги продолжил во Минхен и на Универзитетот во Келн. Во Европа настапувал заедно со триото Les Barons Karamazoff, со кое реализирал два проекта: Historical recordings и Pytagora’s glasess and lute.

Го револуционаризирал концептот на соло-перкусионист, свирејќи ги делата на класични композитори, од калибарот на Игор Стравински и на Моцарт. Со триото Les Barons Karamazoff настапил на Скопскиот фестивал 2000 година, каде ја воодушевил домашната публика со своето виртуозно свирење на шишиња, чаши и останати необични инструменти. На 25 август 2000 година со својот квартет настапил на кумановскиот Летен џез фестивал.

За Музичката и касетна продукција при Македонска Радио Телевизија кон крајот на 2000 година го објавува својот прв домашен компакт диск Home.

Светски познатиот музичар Зоран Маџиров почина денеска. Музичарот, кој по потекло е од Струмица, на 7 октомври 2016 година настрада во стравотна сообраќајна несреќа. Во коматозна состојба, Маџиров беше префрлен на КАРИЛ во Скопје, каде што лекарите се бореа за неговиот живот. Сообраќајната незгода се случи кај „Пилав тепе“, на патот меѓу Струмица и Радовиш. Зоран Маџиров со својот автомобил удрил во цистерна која била превртена на патот.

Последна почит до својот колега и пријател испраќаат голем број јавни личности. Музичари, актери, новинари, пријатели… сите со збор за него… Сите со иста мисла… маката и судбината на семејството Маџирови…

Save

Нешто пораzлично од градот...

Leave a Reply

Your email address will not be published. Required fields are marked *

*

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Scroll To Top